နာရီပေါင်း (၁၀၈)နာရီအကြာ ကျင်းပခဲ့သည့် မိုင်းဖြတ်မြို့၏ အသံမစဲ မဟာပဋ္ဌာန်းပွဲကြီး အောင်ပွဲအဖြစ် ဆွမ်းဆန်စိမ်း လောင်းလှူ

မိုင်းဖြတ်မြို့တွင် နာရီပေါင်း (၁၀၈)နာရီအကြာ ကျင်းပခဲ့သော အသံမစဲ မဟာပဋ္ဌာန်းပွဲကြီးကို ဇန်န၀ါရီ(၂၄)ရက်နေ့တွင် အောင်မြင်စွာ ကျင်းပပြုလုပ်ခဲ့ကြောင်း သိရသည်။



အသံမစဲ မဟာပဋ္ဌာန်းအောင်ပွဲအား မိုင်းဖြတ်မြို့၊ စိတ္တသုခကျောင်းတွင် ကျင်းပပြုလုပ်ခဲ့ရာ ကျောင်းထိုင်ဆရာတော် ဦးဓမ္မ၀ံသထံမှ ဧည့်ပရိသတ်များက ငါးပါးသီလ ခံယူ ဆောက်တည်ခြင်း၊ ကြွရောက်တော်မူလာကြကုန်သော ရဟန်း၊ သာမဏေ များအား နေ့ဆွမ်းကပ်လှူခြင်း၊ ပရိတ်သတ်များအား နေ့လယ်စာဖြင့် တည်ခင်း ဧည့်ခံခဲ့ကြောင်း သိရသည်။



ပဋ္ဌာန်းပွဲသို့ ရောက်ရှိလာသည့် တပ်နယ်မိသားစုများ၊ မိုင်းဖြတ်မြို့နယ်အုပ်ချုပ်ရေးမှူး ဦးအောင်မြင့်ကျော်နှင့် ဌာနဆိုင်ရာများနှင့် အလှူရှင်များ စုစုပေါင်း(၇၀၀)ကျော်တို့မှ မြို့နယ်တွင်းရှိ ရဟန်း၊ သာမဏေ (၉၀)ပါးတို့အား ဆွမ်းဆန်စိမ်း လောင်းလှူခဲ့ကြောင်း သိရသည်။

ဓာတ်ပုံ/သတင်း။  ။ ကိုသာ