မြို့မီးလင်းရေးရုံးခွဲ(၁)၏ Facebook တွင် တစ်အိမ်စီအလိုက် လစဉ် မီတာသုံးစွဲမှု ကျသင့်ငွေစာရင်းများကို ကြည့်ရှုနိုင်ပြီ

တာချီလိတ်မြို့ မီးလင်းရေးရုံးခွဲ(၁)မှ ရပ်ကွက်(၅)ရပ်ကွက်၏ နိုဝင်ဘာလအတွင်း အသုံးပြုခဲ့သော လျှပ်စစ်မီတာခများ၏ ကျသင့်ငွေစာရင်းများကို တစ်အိမ်စီအလိုက် စာရင်းများဖြင့် မီးလင်းရေးရုံးခွဲ(၁)၏ Facebook တွင်  ကြိုတင်၍ အသိပေးထားရှိကြောင်း သိရသည်။


မီးလင်းရေးရုံးခွဲ (၁)အတွင်းရှိ ပုန်းထွန်၊ တာလော့၊ ၀မ်ကောင်း၊ မကာဟိုခမ်း နှင့် ဆန်ဆိုင်း(ခ)စသည့် ရပ်ကွက်တို့၏ လျှပ်စစ်မီတာ သုံးစွဲထားမှုကို နိုဝင်ဘာလအတွက် ဟု ရပ်ကွက်အလိုက် ခေါင်းစဉ်တပ်ကာ ဖော်ပြထားသည့်အတွက် မည်သူမဆို www.facebook.com/TachileikECတွင် ၀င်ရောက် ကြည့်ရှုနိုင်မှာ ဖြစ်ကြောင်း သိရသည်။

"မီတာသုံးစွဲသူများက သူတို့ရဲ့ မီတာသုံးစွဲမှု ကျသင့်ငွေကို ကြိုတင်ပြီးတော့ သိချင်ကြတဲ့အတွက် မီးလင်းရေးရုံးခွဲ(၁)ရဲ့ Facebook မှာ ဖော်ပြပေးပါဆိုပြီး အကြံပြုလာကြပါတယ်၊ မီတာသုံးစွဲသူများကို အလေးထားတဲ့ အနေနဲ့ မီးလင်းရေးရုံး အပိုင်း(၁)ကနေပြီးတော့ မီတာသုံးစွဲသူများရဲ့ ကျသင့်မှုများကို ရုံးရဲ့ Facebook မှာ လစဉ် (၁၀)ရက်နေ့ကစပြီး ဖော်ပြပေးနေတာဟာ အခုဆိုရင် (၂)လ ရှိပါပြီ၊ အလွန်ဆုံး လစဉ် (၁၀)ရက်ဆိုရင် ဖော်ပြဖြစ်ပါပြီ.."ဟု မြို့မီးလင်းရေးရုံးမှ တာဝန်ရှိသူက ပြောသည်။

"လွယ်တော်ခမ်းက ကျေးရွာစာရင်းဖြစ်သွားတော့ မဖော်ပြဖြစ်တော့ဘူး၊ သူတို့က လစဉ် (၁၀)ရက်ကျော်ပြီဆိုရင် လာသွင်းကြတယ်၊ ရွာဖက်က လူတွေကတော့ လစဉ်(၁)ရက်နေ့က (၈)ရက်နေ့အထိ လာသွင်းကြပါတယ်.."ဟု ၎င်းမှ ဆက်လက်ပြောပြသည်။



နိုဝင်ဘာလအတွင်း အသုံးပြုခဲ့ကြသည့် ရပ်ကွက်အလိုက် လျှပ်စစ်မီတာ သုံးစွဲသူများ ကျသင့်ငွေစာရင်း
1. (၁၁)လပိုင်းအတွက်ပုန်းထွန်ရပ်ကွက်မှ အသုံးပြုသော မီတာခစာရင်းများ
2. (၁၁)လပိုင်းအတွက် တာလော့ရပ်ကွက်မှ အသုံးပြုသော မီတာခစာရင်းများ
3. (၁၁)လပိုင်းအတွက် ၀မ်ကောင်းရပ်ကွက်မှ အသုံးပြုသော မီတာခစာရင်းများ
4. (၁၁)လပိုင်းအတွက် မကာဟိုခမ်းရပ်ကွက်မှ အသုံးပြုသော မီတာခစာရင်းများ
5. (၁၁)လပိုင်းအတွက်ဆန်ဆိုင်း(ခ)ရပ်ကွက်မှ အသုံးပြုသော မီတာခစာရင်းများ