ကျိုင်းတုံ၌ Third Waveလုပ်ငန်းစဉ် အကောင်အထည်ဖော်ရေး ညှိနှိုင်းဆွေးနွေး

နိုင်ငံတော်၏ ပြုပြင်ပြောင်းလဲမှုများအား တတိယအဆင့် အရှိန်မြှင့်တင်မှု (Third Wave) လုပ်ငန်းစဉ် အဖြစ် စတင်အကောင်အထည်ဖော်ရန်အတွက် ပြည်နယ်နှင့်တိုင်းဒေသအသီးသီးတို့တွင် ဆောင်ရွက်နေကြသည်နှင့်အညီ ယနေ့ ၂၀၁၄ခုနှစ် ဇူလိုင်လ(၂၈)ရက် နံနက် (၈)နာရီအချိန်က ရှမ်းပြည်နယ် အရှေ့ပိုင်း၊ ကျိုင်းတုံမြို့ရှိ ရှမ်းပြည်နယ် ရဲတပ်ဖွဲ့၊ ပြည်နယ်ဒုတိယရဲတပ်ဖွဲ့ရုံးရှိ အစည်းအဝေးခန်းမတွင် ပြည်နယ်ဒုတိယရဲတပ်ဖွဲ့မှူး၊ ဒုတိယရဲမှူးကြီး ကျော်ထွန်း ဦးဆောင်၍ သက်ဆိုင်ရာဌာနများနှင့် တွေ့ဆုံကာ Third Wave လုပ်ငန်းစဉ်အား အကောင်အထည်ဖော်ရန်အတွက် ညှိနှိုင်းဆွေးနွေးခဲ့ကြကြောင်း သတင်းရရှိသည်။


ယင်းနောက် စီမံခန့်ခွဲမှုကော်မတီ၊ မြို့နယ်စည်ပင်သာယာရေးကော်မတီတို့မှ Third Wave လုပ်ငန်းစဉ်နှင့် ပတ်သက်၍ တာဝန်ယူမှု၊ တာဝန်ခံမှု အကြောင်းအရာများ၊ ယခုဆောင်ရွက်နေသည့် ဒီမိုကရေစီလုပ်ငန်းစဉ်တွင် Third Wave သည် အရေးကြီးကြောင်း စသည့်အကြောင်းအရာများကို ဆွေးနွေးခဲ့ကြပြီးနောက် တက်ရောက်လာကြသူများမှ ရဲတပ်ဖွဲ့လုပ်ငန်းနှင့် ဆက်စပ်နေသည့် အကြောင်းအရာများကို အပြန်အလှန်ဆွေးနွေးခဲ့ကြသည်။


ယခုကျင်းပပြုလုပ်သော Third Wave လုပ်ငန်းစဉ် ညှိနှိုင်းဆွေးနွေးမှု အခမ်းအနားသို့ ပြည်နယ်ဒုတိယရဲတပ်ဖွဲ့မှူး၊ ဒုတိယရဲမှူးကြီး ကျော်ထွန်း၊ ပြည်နယ်ဒုတိယအုပ်ချုပ်ရေးမှူး ဦးတင်မောင်ဆွေ နှင့် ခရိုင်/မြို့နယ်အဆင့်ရှိ ဌာနဆိုင်ရာများ၊ ရပ်ကွက်/ကျေးရွာအုပ်ချုပ်ရေးမှူးများ နှင့် သတင်းမီဒီယာများ တက်ရောက်ခဲ့ကြကြောင်း သိရှိရသည်။


ယခုကဲ့သို့ပင် Third Wave လုပ်ငန်းစဉ်နှင့် ပတ်သက်ပြီး တာချီလိတ်၌ ပြီးခဲ့သော ဇူလိုင်လ(၁၅)ရက် နံနက်ပိုင်းက "ရဲတပ်ဖွဲ့နှင့် ပေါင်းစပ်ဆောင်ရွက်ရာတွင် တာဝန်ယူရမည့် လုပ်ငန်းကဏ္ဍများအလိုက်"အလုပ်ရုံဆွေးနွေးပွဲကို ကျင်းပခဲ့ပြီးကြောင်းလည်း သိရသည်။



Third Wave လုပ်ငန်းစဉ်နှင့် ပတ်သက်၍ ပြီးခဲ့သော ဇွန်လ(၂၇)က နေပြည်တော်တွင် ပြုလုပ်ကျင်းပခဲ့သော အခမ်းအနားတွင်  မြန်မာနိုင်ငံရဲတပ်ဖွဲ့ရဲချုပ်၊ ရဲချုပ် ဇော်ဝင်းက
 နိုင်ငံရေးပြုပြင်ပြောင်းလဲမှုကို (First Wave)အဖြစ် ညင်သာ ချောမွေ့စွာ ပြောင်းလဲနိုင်ခဲ့ပြီး ဒုတိယအဆင့်(Second Wave) အဖြစ် နိုင်ငံရေးပြုပြင်ပြောင်းလဲမှုနှင့်အတူ စီးပွားရေးနှင့် လူမှုရေးပြုပြင်ပြောင်းလဲမှု၊ အစိုးရယန္တရား တိုးတက်ကောင်းမွန်အောင် ပြုပြင်ပြောင်းလဲမှုနှင့် ပုဂ္ဂလိကကဏ္ဍ ဖွံ့ဖြိုးတိုးတက်ရေးပြုပြင်ပြောင်းလဲမှုစသည့် ပြုပြင်ပြောင်းလဲမှုတို့ကို မဟာဗျူဟာ လုပ်ငန်းစဉ်များအဖြစ်ချမှတ်ပြီး အရှိန်မြှင့်တင်ဆောင်ရွက်ခဲ့ပါကြောင်း၊ ဒီမိုကရေစီ နိုင်ငံသစ်ထူထောင်ရေးကို ရေရှည်အခြေခံအုတ်မြစ် ခိုင်မာရေးအတွက် ချမှတ်ပေးရမယ့်အပိုင်းနဲ့ ပြည်သူတို့ရဲ့ လူမှုစီးပွားဦးစားပေး လိုအပ်ချက်တွေကို ချက်ချင်း ဆောင်ရွက်ပေးရမယ့် အပိုင်းတွေကို တတိယအဆင့်(Third Wave)အဖြစ် အရှိန်မြှင့်တင်ပြီး လုပ်ငန်းစဉ်(၅)ရပ်နဲ့ ထိထိရောက်ရောက် အကောင်အထည်ဖော်ဆောင်ရွက်နေကြောင်း"မြန်မာနိုင်ငံရဲတပ်ဖွဲ့ရဲချုပ်၊ ရဲချုပ် ဇော်ဝင်း မှ ပြောကြားခဲ့သည်ကို ရဲဇာနည်မှတဆင့် သိရှိရသည်။