ဘုရင့်နောင်ပုဂ္ဂလိကဈေးသစ် တာချီလိတ်၌ အောင်မြင်စွာ ဖွင့်လှစ်

ရှမ်းပြည်နယ် အရှေ့ပိုင်းဒေသ တာချီလိတ်ခရိုင်၊ တာချီလိတ်မြို့ပေါ်တွင် ပုဂ္ဂလိကဈေးများနှင့် ရပ်ကွက်/မြို့မဈေး စသည်ဖြင့် ဈေးစုစုပေါင်း (၁၀)ခုမြောက်အဖြစ် ယနေ့ ၂၀၁၄ခုနှစ် ဇူလိုင်လ(၂၂)ရက် ညနေပိုင်းက တာချီလိတ်မြို့ ၀မ်ကောင်းရပ်ကွက်၌ ဘုရင့်နောင်ပုဂ္ဂလိကဈေးသစ်အားဖွင့်ပွဲအဖြစ် ကျင်းပပြုလုပ်ရာ ရှမ်းပြည်ဝန်ကြီးချုပ် ကိုယ်တိုင်တက်ရောက်၍ ဖွင့်လှစ်ပေးသည်။

ထိုသို့ ပေးအပ်လှူဒါန်းရာတွင် ဘုရင့်နောင်ပုဂ္ဂလိကဈေးပိုင်ရှင် ဦးထွန်းနေဦးမှ ရှမ်းပြည်နယ်စည်ပင်သာယာရေးကော်မတီသို့ ကျပ်သိန်း(၅၀)တိတိကို လည်းကောင်း၊ စစ်ဗျူဟာ(အခြေချ)တာချီလိတ် တပ်နယ်မိသားစု ပညာရေးငွေ ပဒေသာပင်အတွက် ကျပ်သိန်း (၃၀)တိတိကိုလည်းကောင်း၊ မြို့နယ်သာယာဖွံ့ဖြိုးတိုးတက်ရေးအတွက် ကျပ်သိန်း(၃၀)တိတိကို လည်းကောင်း၊ မြို့နယ်ဖွံ့ဖြိုးတိုးတက်ရေးအတွက် ကျပ်သိန်း (၃၀)တိတိကို လည်းကောင်း ပေးအပ်လှူဒါန်းရာ တာဝန်ရှိသူ အကြီးအကဲများမှ ၀မ်းမြောက်စွာဖြင့် လက်ခံရယူခဲ့ကြသည်။

ယခု ဖွင့်လှစ်လိုက်သော ဘုရင့်နောင် ပုဂ္ဂလိကဈေးသစ်ကြီးအား ၂၀၀၉ခုနှစ်ကတည်းက စတင်တည်ဆောက်ခဲ့တာဖြစ်ပြီး ၂၀၁၃ခုနှစ်မှာ တည်ဆောက်မှုလုပ်ငန်းအားလုံးပြီးစီးခဲ့ကြောင်း နှင့် အဆိုပါ ဈေး၏ အကျယ်အ၀န်းမှာ (၆)ဧက အကျယ်ရှိကြောင်း သိရသည်။
"ဈေးကတော့ ကျယ်လည်း ကျယ်တယ်၊ သန့်လည်း သန့်တယ်၊ ထင်းရေးမီးရေးဆိုလည်း စိုးရိမ်စရာမရှိတဲ့ အနေအထား၊ နောက်ပြီး စီမံထားပုံတွေက စနစ်ကျတယ်၊ နောက်ဆိုရင် အလွန်စည်ကားလာမဲ့ ဈေးပဲလို့ မြင်မိတယ်"ဟု ဈေးဖွင့်ပွဲသို့ တက်ရောက်လာသူ ဦးစိုင်းဝမ်းမှ တာချီလိတ်အွန်လိုင်းသို့ ၎င်း၏ အမြင်ကို ပြောလာသည်။

အဆိုပါဈေးအတွင်း၌ သတ်မှတ်အကျယ်အ၀န်းများအလိုက် လူနေဆိုင်ခန်း စုစုပေါင်း (၉၃)ခန်း နှင့် သတ်မှတ်အကျယ်အ၀န်းများအလိုက် လူမနေဆိုင်ခန်း (၈၇)ခန်း အပြင် ပျံကျဈေးရုံတွင် (၆x၁၀)ပေ အကျယ်အ၀န်းရှိသည့် ဈေးခုံပေါင်း (၃၆၀)ခုံ နှင့် ပျံကျစားသောက်ဆိုင်ကွက်(၁၀)ကွက် သတ်မှတ်ထားရှိပြီး နေ့စဉ် ယာဉ်ရပ်နားရန် ကားအတွက် (၁၅၆x၇၂)ပေ အကျယ်အ၀န်းရှိ နေရာတွင် ကားအစီး (၆၀)ခန့် ရပ်နားနိုင်ရန် ပြုလုပ်ပေးထားပြီး ဆိုင်ကယ်အစီး(၅၀၀)ခန့် ရပ်နား၍ရရန်နေရာတို့ကိုလည်း သတ်မှတ်ထားရှိကြောင်း သိရှိရသည်။