နမ့္စန္ၿမိဳ႕နယ္အတြင္း အာလူးၿခံမ်ားပိုးက်၍ အထြက္ႏႈန္းက်ဆင္း

သတင္း။  ။ သန္းစိုးေအာင္(နမ့္စန္)

...................

နမ့်စန်၊ မေလ(၁၁)ရက်
ရှမ်းပြည်နယ်(တောင်ပိုင်း)၊ နမ့်စန်မြို့နယ်အတွင်း အာလူးခြံများ ပိုးကျခဲ့သဖြင့် ယခုနှစ် အာလူးအထွက်နှုန်း ကျဆင်းကြောင်း အာလူးစိုက်တောင်သူများထံမှ သိရသည်။

“ဒီဘက်မှာ အာလူးစိုက်တာကတော့ ဧကလိုက်စိုက်တာ သိပ်မရှိဘူး။ ကိုယ်ပိုင်ခြံတွေမှာ တစ်ပိုင်တစ်နိုင် စိုက်တာများတယ်။ အရင်နှစ်ထက်စာရင် ခြံတွေမှာ ပိုးကျလို့ အထွက်နှုန်းတော့လျော့လာတယ်”ဟု အာလူးစိုက်တောင်သူ ကိုစိုင်းပီးက ပြောသည်။

ယခင်နှစ်က တစ်ဧက နီးပါးရှိသည့် ခြံတစ်ခြံလျှင် အာလူး ပိဿါချိန် (၁၂၀၀)ခန့်ထွက်ခဲ့ပြီး ယခုနှစ်တွင် ပိဿါချိန်(၈၀၀)ခန့်သာ ထွက်ခဲ့ခြင်းဖြစ်ကြောင်း၎င်းထံမှ သိရသည်။

ရှမ်းပြည်နယ်(တောင်ပိုင်း ) နမ့်စန်မြို့နယ်၊ ဝမ်ပုံကျေးရွာအုပ်စု၊ နောင်ခါးကျေးရွာတွင် အာလူးကို အများဆုံးစိုက်ပျိုးကြကြောင်း သိရသည်။

လက်ရှိ ဒေသတွင်း အာလူးဈေးနှုန်းမှာ တစ်ပိဿါလျှင် ကျပ် (၄၀၀)ခန့်မှ ကျပ်(၈၀၀)ဝန်းကျင်အထိ ဈေးနှုန်းအမျိုးမျိုးရှိကြောင်း သိရသည်။

နမ့်စန်မြို့နယ်တွင် အာလူးကို တစ်ပိုင်တစ်နိုင် စိုက်ပျိုးသူ များပြားပြီး ဇန်နဝါရီလအတွင်းက စတင်စိုက်ပျိုးကာ ဧပြီလတွင် ထွက်ရှိကြောင်း သိရသည်။

သတင်း။ သန်းစိုးအောင်(နမ့်စန်)