နွေရာသီ ယဉ်ကျေးမှုသင်တန်းဆင်းပွဲ မိုင်းဆတ်တွင် ပြုလုပ်

ရှမ်းပြည်နယ် အရှေ့ပိုင်း မိုင်းဆတ်မြို့နယ် သံဃနာယက အဖွဲ့က ကြီးမှူး၍ နွေရာသီကျောင်းပိတ်ရက်များတွင် အနာဂတ်နိုင်ငံတော်အတွက် အားထားရပြီး၊ ယဉ်ကျေးလိမ္မာသည့် ကျောင်းသားကျောင်းသူ လူငယ်များပေါ်ထွန်းလာရေးအတွက် ရည်ရွယ်ပြီး ဖွင့်လှစ်ခဲ့သော နွေရာသီ ဗုဒ္ဓဘာသာယဉ်ကျေးလိမ္မာသင်တန်းဆင်းပွဲနှင့် အောင်လက်မှတ်ပေးအပ်ပွဲကို မေလ(၂၈)ရက်နေ့ မွန်းလွဲ (၁)နာရီက ကျဒယ်ရပ်ကွက် ထေရ၀ါဒဗုဒ္ဓသာသနာပြုဌာန၊ သဗ္ဗညုကျောင်းတိုက်၌ကျင်းပရာ  ပဓာနနာယက ဆရာတော်  သဒ္ဓမ္မဇောတိကဓဇ ဘဒ္ဒန္တဣန္ဒက(ဓမ္မာစရိယ)က သင်တန်းဆင်း ဩ၀ါဒကထာမြွက်ကြားသည်။

ဆက်လက်၍ ပထမအဆင့် ထူးချွန်စွာ အောင်မြင်ခဲ့သူ (၅)ဦး၊ ဒုတိယအဆင့် ထူးချွန်စွာအောင်မြင်ခဲ့သူ (၅)ဦး နှင့်တတိယအဆင့် ထူးချွန်စွာအောင်မြင်ခဲ့သူ (၅)ဦးတို့အား ဂုဏ်ပြုဆုများကို တာဝန်ရှိသူများက ပေးအပ်ချီးမြှင့်သည်။


အဆိုပါသင်တန်းသို့ ကျောင်းသားကျောင်းသူ၊ သာမဏေနှင့် သီလရှင် (၆၀)ဦး တို့ တက်ရောက်ခဲ့ပြီး  သင်တန်း ကာလမှာ မတ်လ(၁၅)ရက်မှ မေလ(၂၄)ရက်နေ့အထိ ဖွင့်လှစ်သင်ကြား ပို့ချခဲ့ခြင်း ဖြစ်ကြောင်းသိရသည်။